კრივის და ზოგადად ძალისმიერი სპორტის მოყვარულთ წინ საინტერესო ორთაბრძოლის ხილვა ელით. როდესაც რინგზე ფლოიდ მეივეზერია, იქ ვერავინ მოიწყენს, მითუფრო პროფესიული კრივის ქომაგები.
ამერიკელ მოკრივეს ტიტულები არ აკლია. ის თავის დროზე, ხუთ სხვადასხვა წონით კატეგორიაში გახდა მსოფლიო ჩემპიონი და რინგზე დაუმარცხებელი მებრძოლის სახელი დაიგდო, ახლა კი უმთავრესად საჩვენებელი ჩხუბებით შემოიფარგლება.
მაგალითად, ასე იყო 2018 წლის 31 დეკემბერსაც, როდესაც მეივეზერი ტოკიოში ჩავიდა და იქაური მოკრივე ტენსინ ნასუკავუ მიბეგვა, ახლა კი იგივეს ლოგან პოლსაც უპირებს, რომელსაც სახელი იუთუბ ბლოგერობით აქვს გათქმული, თუმცა ძალების მოსინჯვა რინგზეც გადაწყვიტა და 2019 წლის ნოემბერში დებიუტი პროფესიონალურ რინგზეც ჰქონდა.
ფლოიდ მეივეზერსა და ბლოგერ ლოგანს შორის ბრძოლა 2021 წლის 20 თებერვალს არის დაგეგმილი, მაგრამ ქალაქი თუ სად შედგება ჩხუბი ჯერ გარკვეული არ არის. სამაგიეროდ უკვე ცნობილია ჩხუბის ტრანსლაციის ღირებულება და ის უკვე გაყიდვაშია. ტელევიზიებს საამისოდ 25 ათას ამერიკულ დოლარამდე გადახდა მოუწევთ.
View this post on Instagram
