გოლფის ლეგენდარული მოთამაშე ტაიგერ ვუდსი მძიმე ავარიაში მოჰყვა, თუმცა საბედნიეროდ გადარჩა და მის სიცოცხლეს საფრთხე აღარ ემუქრება.
გამოჩენილი ამერიკელი გოლფის მეფე, რომელიც ყველაზე მაღალანაზღაურებადი სპორტსმენია სიკვდილს სასწაულებრივად გადაურჩა.
საგზაო შემთხვევა ლოს-ანჟელესში მოხდა. ვუდის მანქანა გზის სავალი ნაწილიდან გადავიდა და რამდენჯერმე ამოყირავდა. ადგილზე მისულ პოლიციას, სპორტსმენის ავტომობილიდან გამოსაყვანად სპეციალური მოწყობილობების გამოყენება დასჭირდა.
ტაიგერ ვუდსი მყისვე საავადმყოფოში გადაიყვანეს. ექიმების თქმით მას ფეხის მძიმე დაზიანებები აქვს მიღებული და ოპერაცია უკვე ჩაუტარდა.
ამ ეტაპზე ავარიის რეალური გამომწვევი მიზეზები უცნობია.
