უკვე თამამად შეიძლება იმის თქმა, რომ ტომ ბრედი ამერიკული ფეხბურთის ყველა დროის საუკეთესო მოთამაშეა! 43 წლის ლეგენდარულმა მოთამაშემ თავის ოცდამეერთე სეზონში ჩემპიონობა მეშვიდეთ იზეიმა, მან ამით ყველა ფრენჩაიზზე მეტი სუპერ ბოულის ჩემპიონობა დააგროვა (სთილერსს და პატრიოტსს 6-6 აქვთ).
Seven. 🐐@TomBrady | #SBLV pic.twitter.com/HtrQfYRnNA
— NFL (@NFL) February 8, 2021
სეზონის საწყების წინ, როცა ბრედიმ ნოუ ინგლენდთან 20 წლიანი პარტნიორობა შეწყვიტა და ახალი თავგადასავლის ძიება დაიწყო, ბევრს ეჭვი ეპარებოდა, რომ ის ამის გაკეთებას ლეგენდარულ ბილ ბილიჩეკის (ნიუ ინგლენდის მთავარი მწვრთნელი) გარეშე მოახერხებდა.
HOW ABOUT THAT?! #SBLV@TomBrady | @Buccaneers pic.twitter.com/dmIlM7jWxc
— NFL (@NFL) February 8, 2021
ტომის პირველი ნაბიჯი ძველი მეგობრის, საყვარელი თანაგუნდელის რობ გრონკოვსკის კარიერის განახლებაზე დათანხმება იყო. რაც ვერ (ან არ) შეძლო ბილიჩეკმა პატრიოტსში, მოახერხა ტომმა ტამპა ბეიში. აღსანიშნავია, რომ „გრონკმა“ ფინალში 2 თაჩდაუნი დაიჭირა, რითაც კიდევ ერთხელ დაამტკიცა, რომ საოცარი მოთამაშეა.
FINAL: @Buccaneers win! #SBLV
(by @Lexus) pic.twitter.com/9lwsxLdRmM
— NFL (@NFL) February 8, 2021
ბრედის ბაქანიერსში ორი უნიჭიერესი რესივერი მაიკ ევანსი და კრის გადვინი დახვდა, რასაც მან ყველასგან მოძულებული ანტონიო ბრაუნი დაამატა და სუპერ შეტევა შეიქმნა, ეს კი ტომისთვის ზედმეტი ფუფუნება იყო. ამას დავამატოთ ბრწყინვალე რანინგ ბექები რონალდ ჯოუნსი და იაგუარსიდან დამატებული ლაგარეტ ფურნეტი.
THE @BUCCANEERS ARE SUPER BOWL LV CHAMPIONS! #SBLV #GoBucs pic.twitter.com/LmvNzPzlCO
— NFL (@NFL) February 8, 2021
აღსანიშნავია, რომ ასეთი შეტევის ფონზეც კი, ბრწყინვალე იყო გუნდის დაცვა, სადაც ჯეისონ პიერ-პოლი, ლევონტე დევიდი, დევინ უაითი და ვეტერანი ნდამუკონგ სუ, მათ ფინალში უნიჭიერესი პატრიკ მაჰოუმსი უბრალოდ „შეჭამეს“.
Interception in #SBLV ✅
Find the @Budlight #ShowtimeCam ✅ pic.twitter.com/Su2Sd0Cx22— NFL (@NFL) February 8, 2021
გუნდმა რეგულარული სეზონი ერთი ამოსუნთქვით გაიარა, დიდი პრობლემები არც პლეიოფში შექმნია, რადგან ბრედი თავისუფალი იყო და საოცარი იყო.
ტამპა ბეი ბაქანიერსი გახდა პირველი გუნდი, რომელმაც სუპერ ბოულს სახლში „რეიმონდ ჯეიმს სტეიდიუმზე“ უმასპინძლა და სრულიად დამსახურებულად, ყველანაირი კითხვის ნიშნის გარეშე მოიგო.
ფინალის საუკეთესო მოთამაშე (MVP) რათქმაუნდა ტომ ბრედი გახდა.
Most Valuable. #SBLV@TomBrady | @Buccaneers pic.twitter.com/IKJM4wtxir
— NFL (@NFL) February 8, 2021
