საფრანგეთის ჩემპიონატის მორიგ ტურში „პსჟ“ შინაურ კედლებში „ნიმს“ დაუპირისპირდა და მარტივად 3:0 გაიმარჯვა. პარიზული გრანდის მოგება გასაკვირი არ ყოფილა, რადგან წყვილის აშკარა ფავორიტი გახლდათ.
პოჩეტინოს გუნდის ამ მოგებას ალბათ დიდ ყურადღებას არ მივაქცევდით, რომ არა ერთი მნიშვნელოვანი და ისტორიული გარემოება. პარიზელთაგან მესამე გოლი კილიან მბაპემ გაიტანა და უნიკალური მიღწევაც დაფიქსირდა.
მოკლედ, უნიჭიერესი ფრანგი ფორვარდი ისტორიაში გატანილი გოლების რაოდენობით შევიდა. ეს მისთვის 150-ე ოფიციალური გოლი გახლდათ და ამ მაჩვენებლით ის გახდა ყველაზე ახალგაზრდა ფეხბურთელი, რომელმაც ეს შეძლო. მბაპე 22 წლის და 45 დღის გახლავთ. ამ ასაკში კი ოფიციალურ მატჩებში ამდენი გოლი არავის გაუტანია.
რა თქმა უნდა ამ სტატისტიკაში კლუბების გარდა სანაკრებო მატჩებში გატანილი გოლებიც შედის. კილიან მბაპემ მონაკოს რიგებში 27 გოლი გაიტანა, ნაკრების მაისურით 16, ხოლო პსჟ-ში 107.
