ქართულ რაგბში ჩამოწოლილი ბურუსი სულ უფრო და უფრო მუქდება. გუშინ გამართულ პრესკონფერენციაზე ირაკლი აბუსერიძის მხარდამჭერებმა გააჟღერეს ინფორმაცია, რომლის მიხედვითაც რაგბში თანხები წლების მანძილზე არამიზნობრივად იხარჯებოდა.
საქართველოს პროკურატურამ გამოძიება ჯერ კიდევ 2020 წლის მარტში დაიწყო, დღეს კი რაგბის კავშირის ყოფილი პრეზიდენტი გოჩა სვანიძე გამოკითხვაზე დაიბარეს. ის პროკურატურაში მაგისტრი მოსამართლის თანხლებით გამოცხადდა.
ფული დაიხარჯა, საქმე კი ვერ გაკეთდა. გოჩა სვანიძის მისამართით კითხვებიც სწორედ ამიტომ გაჩნდა. ის არ გამორიცხავს, რომ დააკავონ.
„ერთი წელი ისე გავიდა, რომ არავინ დამიძახა. ამიტომაც დღეს არაფერს გამოვრიცხავ. ჩემი ვარაუდით, ეს ყველაფერი უკავშირდება საჯარო რეესტრის ხვალინდელ განხილვას“ – თქვა გოჩა სვანიძემ გამოკითხვაზე შესვლის წინ.
საქმის პროკურორის პაპუნა კერესელიძის თქმით, საუბარია სახელმწიფო ბიუჯეტიდან გამოყოფილი თანხების ხარჯვის კანონიერების და ასევე უძრავი ქონებების გასხვისების საკითზებზე.
