აფრიკის ქვეყნებში, გუნდების წარმომადგენლებს მატჩის წინ სხვადასხვა რიტუალი აქვთ. ისინი ამით ერთგვარად მათი გუნდის მოგებას უთქვამენ, თუმცა ამჯერად მეტად არაეთიკურად და მეტიც, უზრდელურად მოიქცა „ფორესტ რეინჯერსის“ მეკარეების მწვრთნელი ჩარლზ ჩილეშე.
ვერ გეტყვით, ეს რიტუალის ერთგვარი ნაწილი იყო თუ უბრალოდ ასე ხელაღებით გადაწყვიტა მოწინააღმდეგის კარი წაებილწა, მაგრამ ფაქტია, რომ მის საქციელს გამართლება არ აქვს.
სასჯელმაც არ დააყოვნა. ზამბიის ფეხბურთის ფედერაციამ, ჩარლზ ჩილეშე სეზონის ბოლომდე საქმიანობას ჩამოაშორა.
ამბავი კი ზამბიის ჩემპიონატის მე-13 ტურის დაწყებამდე მოხდა, როდესაც უკვე გუნდები მოედანზე იყვნენ და მოთელვას გადიოდნენ. „ფორესტ რეინჯერსის“ მეკარეების მწვრთნელი, მეტოქე გუნდის კარისკენ გაემართა, ჯერ ორივე ძელს ბოთლიდან რაღაც სითხე მიასხა, შემდეგ კი არც მეტი, არც ნაკლები, მარცხენა ძელთან მოისაქმა.
მალევე მასთან სამხედრო ფორმაში გამოწყობილი პირები მივიდნენ და მოედანი დაატოვებინეს. როგორც უკვე ავღნიშნეთ, ჩარლზ ჩილეშეს ეს უღირსი ქმედება არც ქვეყნის ფეხბურთის ფედერაციამ აპატია და ის მკაცრად დასაჯა.
