სანდრო მამუკელაშვილის სეტონ ჰოლმა NCAA-ში მორიგი შეხვედრა გამართა. „პირატების“ მეტოქე, ამჟამად ლიგის ერთ-ერთ ლიდერი ვილანოვა იყო, შეხვედრა დაძაბული გამოდგა და საბოლოოდ ქართველის გუნდის მარცხით დასრულდა 74:76.
მატჩის დასრულებამდე 1.9 ადრე, როცა ანგარიში 74:74 იყო, ვილანოველმა კოულ სვიდერმა 1 საჯარიმო ჩააგდო. საპასუხო შეტევაში შორეული პასი სანდროზე გაკეთდა, თუმცა ჩვენთვის სამწუხაროდ ეს ვერ მოახერხა.
სეტონ ჰოლმა კიდევ 1 პერსონალური ფოლი აიღო და ჯერემია რობინსონ-ეარლი საჯარიმო ხაზზე მაშინ დადგა, როდესაც საფინალო სირენამდე 1.1 წამი რჩებოდა. ზუსტი ამჯერადაც 1 ტყორცნა გამოდგა. სტუმრებს თეორიული შანსი რჩებოდათ და პასი ისევ სანდროს მიუვიდა, თუმცა, ურთულესი მდგომარეობიდან ნასროლი სამქულიანი არაზუსტი გამოდგა.
„მამუმ“ პარკეტზე 35 წუთი გაატარა, რა დროშიც თითქმის ორმაგი დუბლი გაახერხა, მის ანგარიშზე 23 ქულა, 9 მოხსნა, 5 შედეგიანი გადაცემა და 1 ჩაჭრა იყო და თავის გუნდში საუკეთესოც გახდა, თუმცა უნდა აღინიშნოს 7 დაკარგვაც, რაც საკმაოდ ცუდია.
მომდევნო მატჩს სეტონ ჰოლი 23 იანვარს ბატლერ ბულდოგსის წინააღმდეგ გამართავს, რომელთანაც ერთი მატჩი უკვე ჩაატარა და დაამარცხა კიდეც.
ამ მარცხით, კონფერენცია Big East-ში პირატებს 6-3 ბალანსი გაუხდათ, ხოლო მთლიანად სეზონში კი – 9-6.
