ავსტრალიის ღია პირველობამდე ჯერ კიდევ საკმაო დროა, მაგრამ მისი მონაწილეები უკვე კედლებზე გადიან. იმ ჩგბურთელებზე მოგახსენებთ, რომლებიც მელბურნში უკვე ჩავიდნენ და სავალდებულო კარანტინში ჩასხდომა მოუხდათ.
ეს მკაცრი იზოლაცია იმ ორი თვითმფრინავის ცნობილმა ამბავმაც გამოიწვია, რომლებშიც ისე აღმოჩნდა, რომ ჩოგბურთელებთან ერთად ინფიცირებული ადამიანები მგზავრობდნენ.
სრული იზოლაცის გამო უკვე გამოთქვეს უკმაყოფილება რამდენიმე ტოპ ჩოგბურთელმა. აი, ნოვაკ ჯოკოვიჩმა კი, რომელიც ჯერ მელბურნში არც ჩასულა თავისი კოლეგების რთულ ბედს ეხმიანება და მწვანე კონტინენტის მთავრობას კარანტინის ცოტა შემსუბუქებისკენ მოუწოდებს.
სერბი ჩოგბურთელის სიტყვებს გამოეხმაურა ავსტრალიის, კონკრეტულად კი შტატ ვიქტორიის მრემიერ მინისტრი დანიელ ენდრიუსი.
„ხალხს შეუძლია მოთხოვნები წამოაყენოს, თუმცა სულ ტყვილად – ჩვენ ამ მოთხოვნებს მაინც არ შევასრულებთ. ვიცით, რომ რამდენიმე ჩოგბურთელი უკვე წუწუნებს, თუმცა მათ ზუსტად იცოდნენ რა რეგულაციებიც გვქონდა შემუშავებული, მაგრამ მელბურნში ჩამოსვლა მაინც გადაწყვიტეს.
შეღავათები არავის ექნება, რადგან ვირუსი ცნობილ და უცნობ ადამიანებს არ ცნობს“ – აღნიშნა ავსტრაკუუს მთავრობის წარმომადგენელმა.
