სენეგალში ახალ საფეხბურთო სტადიონს “ლივერპულის” ფეხბურთელის, სადიო მანეს სახელს დაარქმევენ.
სტადიონი ამ ეტაპზე მშენებლობის პროცესშია. არენის გახსნა 2023 წელს არის დაგეგმილი
შეგახსენებთ, რომ გასულ კვირას, აფრიკის ერთა თასის ფინალურ მატჩში სენეგალის ნაკრებმა ეგვიპტე თერთმეტმეტრიანი დარტყმების სერიაში დაამარცხა.
გადამწყვეტი პენალტი კი სწორედ სადიო მანემ გაიტანა. აღსანიშნავია, რომ სენეგალის ნაკრები აფრიკის ჩემპიონი ისტორიაში პირველად გახდა.
