ამერიკულმს მედიამ ქართველ კალათბურთელს სანდრო მამუკელაშვილს სტატია მიუძღვნა სათაურით: “ბაქსის 3 მოთამაშე, რომელთაგანაც უნდა ისწავლოს მამუკელაშვილმა”.
“მამუკელაშვილს ნამდვილად გააჩნია პოტენციალი, რომ 2021/22 წლების სეზონში მილუოკიში თავისი ადგილი დაიმკვიდროს. მართალია, მისი გვარი ძნელად წარმოსათქმელია, მაგრამ ბაქსში ამის გამოცდილება უკვე აქვთ. გავიხსენოთ, იანის და თანასის ანტეტოკუნმპოები. მას ბევრი შანსი არ უნდა მიეცეს ამ სეზონში, მაგრამ ის უკვე გახდა ბაქსის ფანების ერთ-ერთი ფავორიტი კალათბურთელი. მისი ოსტატობა საოცარია მამუს აღნაგობის გათვალისწინებით, კარგი იქნება, თუ მამუკელაშვილი NBA-ის იოლად მოერგება. წინასასეზონო მატჩებში მან გვანახა თავისი პოტენციალი.მოდი, ვიყოთ რეალისტები, შესაძლოა, მამუკელაშვილმა ვერასდროს მიაღწიოს იმ პოპულარულობას, რაც ბობის ამ ქალაქში გააჩნია. მაგრამ მას შეუძლია აითვისოს რაღაცები, რაც პორტისს მოედანზე და მის გარეთ გამოარჩევს.
მამუკელაშვილს იმდენი სათამაშო დრო არ ექნება, რაც პორტისს, მაგრამ სადაც არ უნდა ითამაშოს მან NBA-ში თუ G ლიგაში, მას შეუძლია ბევრი არამატერიალური აქტივების შემოტანა გუნდში. მას დიდი არჩევანი არ აქვს, როტაციაში წინ ძალიან ბევრი კარგი კალათბურთელია. მაგრამ მას უნიკალური თვისებები გააჩნია, რაც პირველივე სეზონში უტოვებს შანსს”, – წერს ამერიკული მედია.
