29 წლის ქართველმა ჩოგბურთელმა ნიკოლოზ ბასილაშვილმა საფრანგეთის ქალაქ მეცის საერთაშორისო ტურნირის მე-2 წრეში გასვლა მოახერხა.
ბასილაშვილი კარიერაში პირველად დაუპირისპირდა 26 წლის იტალიელ ჯანლუკა მაგერს. მსოფლიოს 78-ე ჩოგანი ნიკოლოზმა ორ სეტში დაამარცხა – 6:3, 7:6 (7:5).
თამაში საათნახევარი გაგრძელდა და ნიკოლოზმა 11 ეისი მოაწოდა და 2 ორმაგი შეცდომა ჰქონდა.
ბასილაშვილმა 4-დან 1 ბრეიკ-პოინტი გამოიყენა, თავად კი მოწოდება არ დაუთმია.
საქართველოს პირველი ჩოგანი მეცის საერთაშორისო ტურნირის მერვედფინალში ესპანელ ალეხანდრო დავიდოვიჩ ფოკინასა და ფრანგი ჟილ სიმონის შორის გამარჯვებულს შეხვდება.
