ინგლისის პრემიერლიგაში სუპერ მატჩები თითქმის ყოველ ტურშია. ამჟამად ასეთი „ლივერპულის“ და „ტოტენჰემის“ დაპირისპირება გახლდათ. იურგენ კლოპი ჟოზე მოურინიოს წინააღმდეგ.
მატჩი მოლოდინისამებრ დაძაბული და თვალსასეირო საყურებელი გამოდგა, რომელიც მერსისაიდელთა გამარჯვებით 2:1 დასრულდა. ამ მარცხით, „ტოტენჰემმა“ ლიდერობა დაკარგა და მას სწორედ კლოპის შეგირდებმა გადაასწრეს.
ჟოზე მოურინიო მატჩის შემდეგ გაცეცხლებული იყო და ტაბლოზე დაფიქსირებულ შედეგს არაკანონზომიერად თვლიდა.
„ეს უსამართლობაა, მაგრამ ფეხბურთში ასეთები ხშირად ხდება. დღეს მარცხს არ ვიმსახურებდით, უფრო მეტიც არც ფრე იქნბოდა მისაღები, უნდა მოგვეგო. კლოპს ვუთხარი, რომ ძლიერმა წააგო, მაგრამ ის არ დამეთანხმა.
სეზონის დასაწყისში ბიჭებს ვუთხარი, რომ ყველა მატჩზე მხოლოდ მოსაგებად უნდა გავიდეთ და საერთოდაც ჩემპიონობისთის ვიბრძოლოთ. ისინი დამეთანხმნენ, გრძნობენ, რომ ეს შესაძლებელია.
დღეს პრემიერლიგის მოქმედ ჩემპიონს მათსავე მოედანზე ვეთამაშეთ და ყველა კომპონენტში ვჯობდით, მაგრამ მაინც წავაგეთ. ლივერპული არ გამოიყურებოდა ისე, როგორც ევროპის, მსოფლიოს და პრემიერლიგის ჩემპიონს ეკადრება. მე რომ ისე მოვქცეულიყავი, როგორც კლოპი მინდვრის კიდესთან მოქმედება, ალბათ იქ დიდხანს არ დამტოვებდნენ.“ – ბრაზს ვერ ფარავდა ჟოზე მოურინიო.
