36 წლის პორტუგალიელი სუპერვარსკვლავი კრიშტიანუ რონალდუ „მანჩესტერ იუნაიტედში“ დაბრუნდა. ინფორმაცია ინგლისურმა კლუბმა ოფიციალურად დაადასტურა.
გამოცდილმა ფეხბურთელმა წითელ ეშმაკებთან კონტრაქტს 2023 წლამდე მოაწერა ხელი და სამედიცინო შემოწმებას უახლოეს მომავალში გაივლის.
კრიშტიანუ რონალდუს „მანჩესტერ იუნაიტედში“ 2003-2009 წლებში უთამაშია და კლუბთან ერთად ჩემპიონთა ლიგა, 3 ინგლისის პრემიერ ლიგა, FA Cup, 2 ინგლისის ლიგის თასი, მსოფლიოს საკლუბო ჩემპიონატი და ინგლისის სუპერთასი მოიგო.
პორტუგალიელი თავდამსხმელი ბოლოს ტურინის „იუვენტუსში“ ირიცხებოდა, სადაც 134 ჩატარებულ მატჩში 101 გოლი გაიტანა და 22 საგოლე გადაცემა შეასრულა.
Welcome 𝗵𝗼𝗺𝗲, @Cristiano 🔴#MUFC | #Ronaldo
— Manchester United (@ManUtd) August 27, 2021
