ევროპის ჩემპიონატზე, B ჯგუფის პირველი ტურში დანიისა და ფინეთის ნაკრებების შეხვედრის მიწურულს დანიის ნაკრების კაპიტანი მოულოდნელად შეუძლოდ გახდა და გაზონზე უგონოდ დაეცა.
ფეხბურთელს მაშინვე სამედიცინო დახმარება აღმოუჩინეს და რამდენიმე წუთის განმავლობაში ხელოვნურ სუნთქვას უკეთებდნენ, საბოლოოდ ექიმებმა ერიკსენი სამედიცინო დაწესებულებაში გადაიყვანეს. მას სავარაუდოდ გულის შეტევა დაემართა.
რამდენიმე წუთის წინ, მატჩის მასპინძელ სტადიონზე ოფიციალური ინფორმაცია გამოაცხადეს, რომლის მიხედვითაც კრისტიან ერიქსენი ცოცხალია და მის ჯანმრთელობის მდგომარეობას საფრთხე არ ემუქრება. ფეხბურთელი ამჟამად სამედიცინო დაწესებულებაშია გადაყვანილი, სადაც მას შესაბამისი დახმარება უტარდება.
ასევე, ცნობილია, რომ ერიქსენი მოედნიდან გაყვანის დროს უკვე გონზე იყო მოსული. ამის ამსახველი სურათი სოციალურ ქსელში ვრცელდება.
წარმოუდგენელი კადრები – დანიის ნაკრების ლიდერი მოედანზე უგონოდ დაეცა
