ჩერნობილის ტრაგედიიდან 35 წელი გავიდა. 1986 წლის 26 აპრილს, უკრაინის პატარა და კოხტა ქალაქ პრიპიატში ბირთვული აფეთქება მოხდა, რამაც მსოფლიო ჩააგდო შოკში. 35 წლის წინ მომხდარ მოვლენებზე არაერთი კვლევა ჩატარდა და ფილმი თუ სერიალი გადაიღეს.
:focal(1175x660:1177x658)/origin-imgresizer.eurosport.com/2021/04/26/3121618-63988088-2560-1440.jpg)
ტრაგედიამდე კი ქალაქი პრიპიატი ჩვეულებრივი და წყნარი ცხოვრებით ცხოვრობდა. ქალაქს საფეხბურთო გუნდიც ჰყავდა, რომელსაც „სტროიტელი“ ერქვა. ამიტომაც, პრიპიატში 5 ათასიანი სტადიონიც აშენდა, რომლის ოფიციალური გახსნაც 1986 წლის 27 აპრილს იყო დაგეგმილი. ადგილობრივი „სტროიტელი“ კიევის ოლქის თასის ნახევარფინალში „მაშინოსტროიტელს“ უნდა დაპირისპირებოდა.
არ დასცალდათ. ის, რაც სტადიონის გახსნამდე ერთი დღით ადრე მოხდა ყველამ კარგად იცის. ჩერნობილის ბირთვული აფეთქება დღემდე გამოუცნობ მოვლენად არის შეფასებული.
რაც შეეხება ქალაქ პრიპიატის სტადიონს, 35 წლის შემდეგ ის ტყედ იქცა.
