ევროპის სუპერლიგის დაარსებამ დიდი ვნებათაღელვა გამოიწვია და ისიც მალევე შეჩერდა. უეფა, ამ პროექტის მიმართ ძალზედ რადიკალური იყო და ეს არც არის გასაკვირი.
ევროპული ფეხბურთის მმართველმა ორგანომ, აღმასრულებელი კომიტეტის სხდომაზე იმსჯელა და ამ ეტაპზე სუპერლიგის დამფუძნებელთა მიმართ რაიმე სანქციების გატარება მიზანშეწონილად აღარ ჩათვალა.
ამრიგად, ის 12 გრანდი სასჯელს გადაურჩა, თუმცა უეფა ამ ამბავს ასე მარტივად არ შეეგუება და ალბათ მათ მიმართ სანქციებს მომავალში მაინც გაატარებს.
შეგახსენებთ, ჩემპიონთა ლიგის ნახევარფინალში გასული 4 გუნდიდან, სამი – „რეალი“, „მანჩესტერ სიტი“ და „ჩელსი“ სწორედ სუპერლიგის დამფუძნებელი გახლდათ, „პსჟ“ კი ამ საქმეში არ მონაწილეობდა. საქნციებს გადაურჩა ევროპა ლიგის საუკეთესო ოთხეულში გასული ორი ინგლისური კლუბიც – „მანჩესტერ იუნაიტედი“ და „არსენალი“. ასე რომ, ისინი მიმდინარე სეზონში ევროთასებზე თამაშს ჩვეულებრივად განაგრძობენ.
