ACB ლიგაში მორიგი გამარჯვება იზეიმა გიორგი შერმადინის ტენერიფემ. კუნძულელებმა სტუმრად ბეტისს 93:82 მოუგეს.
ტენერიფესთვის ეს ზედიზედ მეოთხე გამარჯვება იყო. 21 მოგებითა და ხუთი მარცხით, ისინი მხოლოდ ლიდერ რეალს და ბარსელონას ჩამორჩებიან.
ქართველმა კალათბურთელმა პარკეტზე 20:40 წუთი გაატარა და ამ დროის განმავლობაში, თავის გუნდს 15 ქულა დააგროვა, რასაც ოთხი მოხსნა დაამატა.
Gran faena coral en Sevilla para sumar ¡la 21° victoria! del curso en #ACB
💛🖤#VamosCanarias #LenovoTenerife pic.twitter.com/ig47snVOke
— Lenovo Tenerife (@CB1939Canarias) April 3, 2021
ტენერიფეს ამ მომენტისთვის 42 ქულა უფიქსირდება და მომდევნო დაპირისპირება ესპანეთის ჩემპიონატში რვა აპრილს, კვლავ სტუმრად სან პაბლო ბურგოსთან ელის. მატჩი თბილისის დროით 22:30 საათზე დაიწყება.
