ბელგიის ჩემპიონატის მეხუთე ტურში “ლიოვენმა” საკუთარ მოედანზე „ეუპენს“ უმასპინძლა და 1:4 წააგო, ლევან შენგელიამ კი გოლი გაიტანა.
ქართველ ფეხბურთელს ახალ გუნდში ოფიციალური დებიუტი ჰქონდა. ის თამაშში 70-ე წუთზე ჩაერთო, როცა მისი გუნდი 0:3 მარცხდებოდა და ყველაფერი გადაწყვეტილი იყო. ლევანმა 84-ე წუთზე შეძლო თავის გამოჩენა და საბოლოო ანგარიში დააფიქსირა.
შენგელიამ პირველად ითამაშა ბელგიის ჩემპიონატში „ლიოვენის“ მაისურით, თუმცა, რამდენიმე დღის წინ ამხანაგურ თამაშში მიიღო მონაწილეობა და იქაც შეძლო გოლის გატანა.
“ლიოვენმა” სეზონი ცუდად დაიწყო და 5 ტურის შემდეგ 3 ქულით ბოლოსწინა, მე-17 ადგილზეა. “ლიოვენი” მომდევნო ტურში 29 აგვისტოს “ანტვერპენს” ესტუმრება.
