ესპანეთში მოთამაშე ქართველ ფეხბურთელთა რიცხვი კიდევ უფრო იზრდება, ახალგაზრდა გიორგი ჯინჯოლავამ რამოდენიმე თვის წინ “საბურთალოდან” “კადისში” გადაინაცვლა.
გიორგის “კადის B”-ში რეგულარული სათამაშო დრო აქვს, 21 წლის ფეხბურთელი კადისის მეორე გუნდში მშვენივრად გამოიყურება და თუ მან თამაში ასეთ მაღალ დონეზე გააგრძელა შესაძლოა მისი სახით ძალიან მალე მე-5 ქართველი ფეხბურთელი ვიხილოთ, რომელმაც ლა ლიგაში ითამაშა.
სეგუნდა დივიზიონ R-ის მატჩში “კადის B”-მ შინ “პანადერია პულიდოს” უმასპინძლა და ანგარიშით 2:1 დაამარცხა, შეხვედრის მე-16 წუთზე გიორგი ჯინჯოლავამ მასპინძლები დააწინაურა და ესპანეთში გადასვლის შემდეგ სადებიუტო გოლი გაიტანა, ქართველი ფეხბურთელი მოედანზე ერთ-ერთი ყველაზე აქტიური გახლდათ და თავისი გუნდის გამარჯვებაში უდიდესი წვლილი შეიტანა.
”კადის B” სეგუნდა დივიზიონ R-ში მე-8 ადგილზე იმყოფება, 21 ის ქართველი ფეხბურთელის გუნდი მომდევნო მატჩს “დეპორტივო ხერეზთან” გამართავს.
