ტოკიოში მიმიდინარე ზაფხულის 32-ე ოლიმპიურ თამაშებზე, დღეს ქართული და მსოფლიო სპორტის ლეგენდა, ნინო სალუქვაძეც მონაწილეობს. 53 წლის ტყვიის მსროლელმა 25 მეტრი დისტანციიდან სროლის კვალიფიკაციაში მიიღო მონაწილეობა და სამ სერიაში 291 (94;98;99) ქულა დააგროვა.
პირველი ეტაპის შემდეგ ნინო სალუქვაძე მე-7 ადგილზე იმყოფება და ხვალ გასამართი დასკვნითი საკვალიფიკაციო ეტაპისთვის ფინალში გასვლის შანს ინარჩუნებს.
საკვალიფიკაციო ეტაპი ხვალ დასრულდება და 25 მეტრიან მიზანში სროლის ფინალური ბლოკიც ხვალვე გაიმართება.
შეგახსენებთ, რომ ტოკიო 2020-ზე ქართული დელეგაციის ანგარიშზე 3 მედალია – 1 ოქრო, 2 ვერცხლი, სამივე ძიუდოისტების ანგარიშზე. ოლიმპიური ჩემპიონი ლაშა ბექაური გახდა, ვაჟა მარგველაშვილმა და ლაშა შავდათუაშვილმა კი ვერცხლის მედლები მოიპოვეს.
