ბუდაპესტში ძიუდოს მსოფლიოს ემპიონატის მე-8 დღე მიმდინარეობს და საქმეში მიქსირებული გუნდები ჩაერთნენ. საქართველოს ნაკრებმა კუბის ნაკრები დაამარცხა და 1/4-ის საგზური გაინაღდა.
პირველი ტატამზე ახალგაზრდა სოფიო სომხიშვილი გამოვიდა, რომელიც ლეგენდარულ იდალის ორტისს დაუპირისპირდა. სოფიოს სანაქებოდ უნდა ითქვას, რომ არაფერი არ დაუთმო გამოცდილ მეტოქეს, მაგრამ გამოცდილებამ მაინც თავისი შედეგი მოიტანა და კუბელმა მეტოქემ მძიმეწონოსანი ქართველი შიდოებით დაამარცხა. ანგარიშის გასათანაბრებლად გელა ზაალიშვილი ჩაერთო საქმეში, რომელიც ენდი გრანდას საკმაოდ გამართულად ეჭიდავა, თავისი ხასიათი გამოავლინა და ვაზარიც აუღო, რის შედეგადაც ანგარიში გათანაბრდა. ჩვენი გუნდი ეთერ ლიპარტელიანმა დააწინაურა, რომელმაც გარსია ოდელინე კონტრილეთით ვაზარიზე დააგდო და შეხვედრის ბოლომდე უპირატესობა შეინარჩუნა. ნაკრებს გამარჯვების გამტკიცებაში ნუგზარ ტატალაშვილი დაეხმარა, რომელმაც მაგდიელ ესტრადას შეხვედრა ტაქტიკურად მოუგო, ძირითადი დროის დასრულებამდე 24 წამით ადრე ვაზარიზე დააგდო და რა თქმა უნდა შეხვედრა გამარჯვებით დაასრულა. საბოლოო წერტილი შეხვედრაში მარიამ ჭანტურიამ დასვა, რომელმაც ძალიან დაძაბულ ბრძოლაში “გოლდენ სქრორში” დელ ტოროს კონტრილეთით ვაზ-არი აართვა.
საქართველოს ნაკრების მეტოქე 1/4-ში საფრანგეთის ნაკრები იქნება, რომელმაც ნიდერლანდები 4:0 დაამარცხა.
