მეორედ წასვლა – ალბათ ფეხბურთიდანაც?

ჯანლუიჯი ბუფონმა „იუვენტუსი“ მეორედ დატოვა. ამის შესახებ თავად ლეგენდარულმა იტალიელმა მეკარემ განაცხადა.

„მივიღე გადაწყვეტილება იუვენტუსი სეზონის ბოლოს დავტოვო და კონტრაქტი აღარ გავახანგრძლივო“ ამბობს ბუფონი.

ალბათ შეხსენება საჭირო არ უნდა იყოს, რომ ჯიჯი ბუფონი ტურინული გრანდიდან უკვე მეორედ მიდის. 43 წლის კიპერმა „იუვენტუსი“ პირველად 2018 წელს დატოვა და „პსჟ“-ში გადაბარგდა, თუმცა ერთი წლის შემდეგ უკან დაბრუნდა.

ბუფონმა „იუვენტუსში“ 2001-2018 წლებში იტალიის ჩემპიონატი 10-ჯერ მოიგო, ხოლო 2006 წელს, იტალიის ნაკრებთან ერთად მსოფლიო ჩემპიონი გახდა.

ჯიჯი ბუფონმა „იუვენტუსიდან“ წასვლა კი დაადასტურა, მაგრამ ამ ეტაპზე უცნობია აპირებს თუ არა ის კარიერის დასრულებას.