ინგლისის მორაგბეთა ნაკრების მთავარი მწვრთნელი ედი ჯონსი საქართველოში ჩამოვა და ქართველ სპეციალისტებს საკუთარ გამოცდილებას გაუზიარებს. საქართველოს რაგბის კავშირის ვებ-გვერდის ცნობით, 61 წლის ავსტრალიელი სპეციალისტი, რომელიც ქართულ რაგბთან წლებია მეგობრობს, თბილისში სამი დღე დარჩება და შეხვედრებს მაღალი მიღწევების მწვრთნელებთან გამართავს.
ბორჯღალოსნები” ორჯერ 2018-2019 წლებში იმყოფებოდნენ ინგლისში და “ვარდებთან” ერთობლივი წვრთნები გამართეს.
შეგახსენებთ, რომ ედი ჯონსი სარაგბო სამყაროში ერთ-ერთ ყველაზე ავტორიტეტულ მწვრთნელად ითვლება. ის ინგლისის ნაკრებს 2015 წლიდან წვრთნის, მანამდე კი, ავსტრალიის, სამხრეთ აფრიკისა და იაპონიის ნაკრებებში უმუშავია.
