,,რომას” მთავარი მწვრთნელი, ჟოზე მოურინიო მიიჩნევს, რომ ევროპის ჩემპიონატზე საუკეთესო ნაკრები საფრანგეთს ჰყავდა:
,,საკუთარი ქედმაღლობის გამო, საფრანგეთს ეროვნულმა ნაკრებმა ევროპის ჩემპიონატის მოგების შანსი დაკარგა. ამ გუნდს წარმოუდგენელი პოტენციალი აქვს, ეს საუკეთესო ნაკრებია.
საფრანგეთს იტალიასა და ინგლისზე უკეთესი შემადგენლობა ჰყავდა, მაგრამ ფეხბურთმა ისინი დასაჯა და ეს დამსახურებული იყო,” – მოურინიოს სიტყვებს RMC Sport-ი ციტირებს.
შეგახსენებთ, რომ საფრანგეთის ნაკრები ევრო 2020-ის მერვედფინალში შვეიცარიასთან პენალტების სერიაში დამარცხდა.
ევროპის ჩემპიონატის გამარჯვებული კი იტალია გახდა, რომელმაც ფინალურ შეხვედრაში ინგლისს თერთმეტმეტრიანების სერიაში მოუგო.