საფრანგეთის ნაკრებს ევროპის ჩემპიონატზე კარგი სტარტი ჰქონდა. დიდიე დეშამის გუნდმა გერმანიას ანგარიშით 1:0 სძლია და პირველი 3 ქულა მოიპოვა. ფრანგთა ერთ-ერთი ლიდერი ანტუან გრიზმანია, რომელმაც ფრანგულ პრესასთან სასაუბროდ დრო გამონახა და თავის გეგმებზე ისაუბრა.
”ბარსელონასთან კონტრაქტი 2024 წლამდე მაკავშირებს, რის შემდეგაც ვფიქრობ, რომ შესაფერისი დრო იქნება ამერიკის შეერთებულ შტატებში წასვლისა და კარიერის იქ გაგრძელებისთვის. მე მიყვარს ეს ქვეყანა, ამ ქვეყნის კულტურა და NBA. მინდა, რომ ამერიკაში საცხოვრებლად ჩემი ოჯახიც წავიყვანო”, – განაცხადა გრიზმანმა ფრანგულ პრესასთან.
თუ ანტუანი ევროპიდან 2024 წელს წავა, მისი მთავარი მსურველი ინტერ მაიამი იქნება, სადაც დევიდ ბექჰემი სუპერგუნდის შენებას აგრძელებს. გრიზმანი ბარსელონას ღირსებას 2019 წლიდან იცავს და 71 მატჩში 22 გოლი გაიტანა.
