იუვენტუსის პრეზიდენტმა და სუპერლიგის ვიცე-პრეზიდენტმა ანდრეა აგნიელიმ განაცხადა, რომ პროექტი ექვსი ინგლისური კლუბის მონაწილეობის გარეშე ვერ ჩატარდება.
„მე ჯერ კიდევ დარწმუნებული ვარ ამ პროექტის სისწორეში, იმ სიკეთეში, რაც მას შეუძლია საფეხბურთო სისტემას მოუტანოს. ეს ტურნირი შეიძლება მსოფლიოში საუკეთესო იყოს.
არა მგონია, ეს პროექტი კვლავ გამოვიდეს, ექვსი ინგლისური გუნდის გარეშე ტურნირის ჩატარება შეუძლებელი იქნება”, – თქვა ანიელიმ.
მანამდე მანჩესტერ იუნაიტედმა, მანჩესტერ სიტიმ, ლივერპულმა, ჩელსიმ, არსენალმა და ტოტენჰემმა განაცხადეს ევროპის სუპერლიგიდან გადიან.
