საქართველოს 17-წლამდე ნაკრები კიევში გასამართი ბანიკოვის თასზე ასპარეზობისთვის ემზადება.
უკრაინაში გასამართ ტურნირზე საქართველოს გარდა მონაწილეობას სომხეთის, უკრაინის, ბელარუსის, ბულგარეთის, თურქეთის, უზბეკეთის და სლოვაკეთის 17-წლამდე ნაკრები გუნდები მიიღებენ.
გიორგი ჩიტაურის გუნდი 26 აგვისტოს თურქეთს დაუპირისპირდება, 27 აგვისტოს უზბეკეთის ნაკრების დამარცხებას შეეცდება, 29 აგვისტოს კი სლოვაკეთის ნაკრებს შეხვდება.
სფფ-ს მიერ გავრცელებული ინფომრაციის თანახმად, ტურნირის ფორმატის მიხედვით, 8 მონაწილე გუნდი, A და B ჯგუფებში, 4 გუნდად გადანაწილდებიან. 3 ტურის შემდეგ, თითოეული გუნდი, მეორე ჯგუფის ცხრილში იდენტური პოზიციის მქონე ნაკრებს ეთამაშება და ტურნირზე მოპოვებული საბოლოო პოზიციაც, ასეთი ფორმით გამოვლინდება. მათ შორის ჩემპიონიც, სადაც ფინალურ მატჩში, A და B ჯგუფებში პირველ ადგილზე გასული ნაკრები გუნდები დაუპირისპირდებიან.
გიორგი ჩიტაურის განაცხადი ასე გამოიყურება:
მეკარეები: გიორგი ბედიაშვილი (სფფ-ის აკადემია), სოსო კოპალიანი (ლოკომოტივი თბილისი)
მცველები: გელა სადღობელაშვილი (სფფ-ის აკადემია), გიორგი ტაბატაძე (საბურთალო), გიორგი სურმავა (დინამო თბილისი), საბა ხარჩილავა (დინამო თბილისი), ალექსანდრე ჩიხაძე (მარტვილი), აკაკი გიუნაშვილი (დინამო თბილისი), ალექსანდრე ნარიმანიძე (საბურთალო), ლუკა შეროზია (დინამო თბილისი), თენგო გობეშია (დინამო თბილისი).
ნახევარმცველები: ამინ კარაევი (დინამო თბილისი), გაბრიელ სიგუა (დინამო თბილისი), მიხეილ ზეცაშვილი (სფფ-ის აკადემია), ნიკოლოზ ნინიძე (დინამო თბილისი), ალეკო ბასილაძე (სფფ-ის აკადემია), ლაშა გადილია (სფფ-ის აკადემია), ლუკა პარკაძე (უკლუბოდ), გივი ხაჩიძე (საბურთალო), დემეტრე ციკოლია (35-ე სკოლა), დავით მიქაია (სფფ-ის აკადემია).
თავდამსხმელები: გიორგი ფარცხვანია (დინამო თბილისი), ნიკოლოზ ცეცხლაძე (სფფ-ის აკადემია), გიორგი პარკინაშვილი (35-ე სკოლა).
