საქართველოს ჩემპიონმა ქსკ ნიკემ ქალთა ჩემპიონთა ლიგის 2021/22 წლების ტურნირში იასპარეზა. ქართული კლუბი პირველი შესარჩევი რაუნდის 1/2-ფინალში ნიდერლანდურ ტვენტეს დაუპირისპირდა და დიდი ანგარიშით დამარცხდა.
ქალაქ ენსხედეში გამართულ შეხვედრაში გივი კვარაცხელიას გაწვრთნილი გუნდი თავიდანვე უშანსოდ იყო. შესვენებამდე თამარ ნადირაშვილის კარში ხუთი გოლი გავიდ.
მეორე ნახევარში მასპინძლებმა კიდევ 4 გოლის გატანა მოახერხეს. სამწუხაროდ, საქართველოს ჩემპიონები უშანსოდ დამარცხდნენ.
ქალთა ჩემპიონთა ლიგა ახალი ფორმატით ტარდება, რომლის ჯგუფურ ეტაპამდე ორი შესარჩევი რაუნდი იმართება. ტვენტე ჯგუფის ფინალში სპარტაკ სუბოტიცას შეხვდება, რომელმაც მეტოქეს ანგარიშით 5:2 სძლია. მესამე ადგილისთვის შეხვედრაში კი, 21 აგვისტოს, ნიკე და პემონტი ითამაშებენ.
შეგახსენებთ, რომ გასულ სეზონში ქალთა საფეხბუთო კლუბმა ლანჩხუთმა ისტორიულ წარმატებას მიაღწია, ორი ეტაპი გადალახა და პირველი ქართული გუნდი გახდა, რომელმაც ჩემპიონთა ლიგის ძირითად ბადეში თამაშის უფლება მოიპოვა.
