ფოთის “კოლხეთის” ყოფილი ხელმძღვანელი თემურ ბარქაია გარდაიცვალა, რომლის სახელსაც უკავშირდებოდა XXI საუკუნეში კლუბის აღორძინებისთვის დაუღალავი შრომა.
“ხანგრძლივი და მძიმე ავადმყოფობის შედეგად გარდაიცვალა წლების განმავლობაში ფოთის “კოლხეთი 1913-ის” პრეზიდენტი, კლუბის გენერალური დირექტორი თემურ ბარქაია, ვის სახელთანაც არის დაკავშირებული ჩვენი ქალაქის გუნდის ლოკალური წინსვლა “კოლხეთისთვის” ურთულეს პერიოდში. საფეხბურთო კლუბი “კოლხეთი 1913″ იზიარებს მწუხარებას და თანაუგრძნობს განსვენებულის ოჯახს”, – ვკითხულობთ “კოლხეთის” განცხადებაში.
აღსანიშნავია, რომ თემურ ბარქაია ფოთის “კოლხეთი 1913-ის” დასახმარებლად 2006 წელს მივიდა, როცა უძველეს ქართულ კლუბს ისე გაუჭირდა, რეგიონულ ლიგაში დაქვეითდა. მისი ხელმძღვანელობით კოლხებმა მოახერხეს და უმაღლეს ლიგაში ლიგაში დაბრუნდნენ.
ის იყო არა უბრალოდ პრეზიდენტი და გენერალური დირექტორი, არამედ, ფეხბურთზე უზომოდ შეყვარებული ადამიანი, რომელმაც საკუთარი ბიზნესი ფეხბურთს მოახმარა და მიუხედავად იმისა, რომ კლუბიდან ყოველ გაშვებაზე ფეხბურთისგან აკიდებული ვალები რჩებოდა, თემურ ბარქაია ფეხბურთს მაინც ვერ ეშვებოდა. ასეთ ენთუზიასტებზე იდგა და დღემდე დგას ქართული ფეხბურთი!
