თბილისში ძიუდოს აკადემიაში საქართველოს ჩემპიონატმა აიღო სტარტი. 60 კილოგრამ წონით კატეგორიაში საქართველოს ჩემპიონი თემურ ნოზაძე გახდა.
თემურ ნოზაძემ ფინალში ჯაბა პაპინაშვილი იპონით დაამარცხა და ჩემპიონის ტიტული მოიპოვა, ბრინჯაოს მედლები ირაკლი კუპატაძემ და თონრიკე მაზიაშვილმა მოიპოვეს.
შეგახსენებთ, რომ თემურ ნოზაძე საქართველოს ჩემპიონი კარიერაში მეორედ გახდა.
ცნობისთვის, ხვალ საქართველოს ჩემპიონები 73 და 81 კილოგრამ წონით კატეგორიებში გამოვლინდება.