უახლოეს ხანებში „პსჟ“-ში ალბათ საინტერესო ამბები განვითარდება. როდესაც პარიზულ გრანდს და იქ მიმდინარე მოვლენებს ვახსენებთ, ბუნებრივია უპირველესად ნეიმარი და მბაპე უნდა ვიგულისხმოთ.
როგორც გამოცემა Téléfoot-ი იუწყება, „პსჟ“-ს ბოსები უკვე 3 კვირაა ნეიმართან მოლაპარაკებას აწარმოებენ. მართალია, ბრაზილიელ ფორვარდს კონტრაქტის ვადა 2022 წლის ზაფხულში ეწურება, მაგრამ პარიზელებს 28 წლის ფეხბურთელის ხანგრძლივი ვადით დაბევება აქედანვე სურთ.
წინააღმდეგი არც თავად ნეიმარია. ყოველშემთხვევაში ამას გვიმტკიცებენ ფრანგი კოლეგები. ბრაზილიელი ვარსკვლავი პარიზში თავს ბედნიერად გრძნობს და დარჩენის წინააღმდეგი არ არისო.
ნეიმართან და მბაპესთან კონტრაქტის გახანგრძლივება კლუბის დირექტორის ლეონარდოს მთავარი პრიორიტეტია.
