28 წლის ნიდერლანდელმა, ფეხბურთელმა ფაბიან სპორკსლედემ თბილისის “დინამო” დატოვა.
გამოცდილმა ფეხბურთელმა სოციალურ ქსელში პოსტი გამოაქვეყნა, სადაც დედაქალაქურ გუნდს ემშვიდობება:
“ეს თავგადასავალი ახლა სრულდება. დიდი პატივი იყო დინამო თბილისის შემადგენლობაში ყოფნა. მადლობელი ვარ გამოწვევისთვის და ამ ლამაზი ქვეყნის გაცნობისთვის. მადლობა თბილისის დინამოს! ” – წერს ფაბიან სპორკსლედე.
შეგახსენებთ, რომ ფაბიან სპორკსლედე თბილისურ გუნდს სეზონის დასაწყისში შეუერთდა, 28 წლის შუახაზელმა კახა ცხადაძის გუნდის მაისურით ჩატარებულ 32 შეხვედრაში 2 გოლი გაიტანა და 1 საგოლე გადაცემა შეასრულა.
