ავსრიული საფეხბურთო კლუბი „ზალცბურგი“ სერიოზულ შარში გაეხვა. არც ის გამოვრიცხოთ, რომ გუნდი ჩემპიონთა ლიგიდანაც მოკვეთონ, თუმცა ამაზე საუბარი ჯერ ნაადრევია.
საქმე კი დოპინგ სკანდალს ეხება. „ზალცბურგის“ ორ მალელ ლეგიონერს, მოჰამედ კამარას და სეკუ კოიტას, რომლებსაც სისხლში აკრძალული პრეპარატების კვალი აღმოაჩნდათ. ორივე ფეხბურთელმა ნოემბერში მალის ეროვნულ ნაკრებში ითამაშა, იქიდან გუნდში დაბრუნებულების შემდეგ კი დოპინგ-ტესტზე ჩავარდნენ. მათმა სინჯმა დადებითი შედეგი აჩვენა.
ფეხბურთელთა მტკიცებით, მათ მალის ნაკრების ექიმმა რაღაც პრეპარატი მისცა, რაც სიმაღლის შიშის დაძლევისთვის გამოიყენება და წარმოდგენაც არ ჰქონდათ თუ რაიმე არასწორ აბებს იღებდნენ. „ზალცბურგის“ ხელმძღვანელობა ფეხბურთელებს უჭერს მხარს და ამ გაურკვევლობაში მალის ნაკრების სამედიცინო პერსონალს ადანაშაულებს.
კოიტაც და კამარაც ავსტრიული გუნდის ძირითადი შემადგენლობის ფეხბურთელები არიან. მათ ჩემპიონთა ლიგის ჯგუფურ ეტაპზეც ყველა მატჩი ითამაშეს.
ამ ეტაპზე, უცნობია დაეკისრება თუ არა რაიმე სანქცია „ზალცბურგს“ ან გუნდის ჩემპიონთა ლიგაზე ასპარეზობას საფრთხე ხომ არ ემუქრება.
